شركات التوظيف النصابة !!!!!!!!!!!!!!!!!

شركات التوظيف النصابة 

صورة علامة استفهام

 - في ظل مشكلة البطالة و سوء التعليم و قلة الوعي و الخبرة و الإحتكاك في سوق العمل بيواجه كتير من الشباب مشكلة سوء إختيار المكأن المناسب اللى يبدءوا بيه حياتهم أو يحسنوا به أوضاعهم المادية... 

 - و نظرا لإحتياج كتير من الشباب للعمل و نفور كتير من الشباب من العمل كمندوبين مبيعات و الرغبة في العمل المكتبى بدون خروج للشارع و بهدلة... فظهر في سوق العمل ما يسمى بشركات الوهم و شركات النصب و ظهر سماسرة التوظيف و أماكن تدريب كتيره والتي تحأول أن تستفيد من أزمة البطالة و تكوين ثروات سريعة في وقت قليل

طبعاً في فرق بين شركات الوهم و شركات النصب

 - شركات الوهم هي الشركات التى توهمك بوضع وظيفى متميز و مرتب كبير و مناخ أكثر من رائع و لكن على عكس الحقيقة.. هي بتشغلك حقيقى و بتبيع منتجات حقيقية و لكن بأسلوب فيه خداع ليك و غالباً للزبائن .. شركات النصب هي نفس الحكاية و لكنها لا تكتفي بمجهودك و لكن أيضاً تأخذ منك فلوس بدون مقابل مربح ليك .

 - بخطوات عملية و تدقيق بسيط تقدر تميز بين الشركات و الأماكن الجادة التي تستطيع أن تكتسب فيها خبرة أو دخل مناسب أو استقرار مهني و في نفس الوقت تجنب نفسك الدخول في تجربة (غير لطيفة) إلا لو كنت حابب أنك تكتسب خبرة التعامل مع البشر!

- و أنت تتصفح الاعلانات المبوبة في الأهرام أو الوسيط أو منتديات التوظيف أو غيرها من الوسائط تجنب الآتي قدر الإمكان:

 - المراكز التي تقول أنها تتعامل مع جامعات و كليات بريطأنيا ، و أحصل على كورس و آخر مجأناً ،و بـ 300 جنية دورة أنجليزية شامله .. كل ده فااااااااكس و مستواها التعليمى زبالة .. هي مفيدة فقط لمن هو صفر في الإنجليزى .. و الكلام ينطبق على تعليم الكومبيوتر، أيضاً المراكز التي تعرض تدريبات أو كورسات مجأنية .. ينطبق عليها نفس الكلام .. لأن مفيش حاجة هتاخدها ببلاش يا صاحبي !

 - مراكز التنمية البشرية .. التي تدعوك للحصول على شهادة مش عارف إيه المعتمد .. فاااكس آخر حاجة و مش هتنفعك في شغل محترم .. هي سبوبة و ليست أكثر و موضة .. و ممكن بدلاً منها أن تلجأ إلى أي شخص حكيم كصديق أو قريب أو حتى من الأنترنت أو التلفزيون و ستسمع اشياء مفيدة دون الحاجة لدفع مال للحصول على شهادة.

- الشخصيات التي تدعى أن لديهم معرفة بموظفي الـ hr أو الموارد البشرية و لديهم القدرة على تشغيلك مقابل مال تدفعه أنت في صورة كورس أو تمرين أو أو .. كل دي اشتغالات و سبوبة .. و من الممكن أن تقوم أنت بتأهيل نفسك عن طريق قراءة الكتب أو تحميل الكورسات أو المحادثة مع أحد المعارف أو الاصدقاء ممن لهم باع في الوظيفة التي تريدها بدون فلوس.

- الأشخاص الذين يدعون حصولهم على شهادات عالمية من الخارج احترس منهم جيدا و لا تنخدع بكلامهم و مظهرهم .. سواء كافراد أو مديرين في شركات و مهما كانت الهالة المحيطة بهم .. كل ده رص كلام و نقل لكتب أجنبية أو تجارب شخصية تستطيع معرفتها و تعلمها دون الحاجة لدفع أموال لأشخاص من أجل تعليمك أو توظيفك أو حتى تأهيلك و تدريبك .. إلجأ دائما - أن استطعت - إلى أماكن التدريب المعتمدة و مراكز اللغات ذات السمعة الجيدة و الغالي تمنه فيه.

الشركات التى تطلب موظفين للتوسعات الأفقية و الرأسية .. كل ده مهلبية !

- الأماكن التي تكتب أرقام مرتبات في الإعلان هي أرقام وهمية لجذب إهتمامك ،الإعلانات التي تحتوي على الآتي :

فرص للترقي للمتميزين .. علاقات عامة من الجنسين .. موظفين داخل الشركة و خارج الشركة .. كادر وظيفي للفرع الجديد للشركة .. سواء كان الاعلان بالعربي أو الإنجليزى فلا تنخدع.

- الشركات التي لا تفصح عن أسمائها الحقيقية .. و لا طبيعة الوظيفة المطلوبة بشكل محدد..

- الشركات التي تصف نفسها بجنسية عربية أو أجنبية أو تقول أنها شركة دولية .. كل ده أي كلام في الحمام !

- كل الشركات السابقة هي شركات مبيعات و تطلب مندوبين مبيعات أو تحصيل و ما شابه لا أكثر و لا أقل .. و لا تتوقع غير ذلك

حينما تذهب صديقي الشاب أو الشابه إلى شركة .. فلاحظ الآتى و أنت مقدم على هذة الخطوات :

-  و المؤسسات المحترمة خاصة التجارية و الخدمية لا تكون مقراتها شقة في عمارة .. و أن كانت محترمة فلا تتوقع منها مرتب مبهر .. بل أقل دخل و أكثر مجهود.

- إذا طلب منك تقديم أي مبلغ للأبليكشين أو لأي رسوم حتى لو جنية واحد .. للخلف در و اخلع، لا تنغر بالإستقبال الحار أو الإبتسامات أو الشباب المرتدي للبدل الأنيقة و الكلام المعسول حول امكانية الحصول على مرتب كبير و و .. فهذة كلها تمثيلية مدروسة و محكمة و لها تفاصيل محددة.

- أي شركة ليس لها موقع على الإنترنت .. فمن الأفضل أن تراجع نفسك قبل التقديم فيها .. و لو كان لها موقع فابحث عن من عملوا فيها قبلك و استفسر منهم.

- الشركات التي تعمل في منتجات مختلفة و متنوعة ( رياضة على فلاتر على الكترونيات على على )هي شركات مبيعات ( من شركات الوهم ) و لن تقوم بتشغيلك إلا في هذا الإطار " مندوب مبيعات " و طبعاً بأقل مبلغ و نسبة و أسوأ معاملة .

حذاري .. إياك و الإمضاء على أي ورقة أو إيصال على بياض .. أو على تعهد بشىء لم تقوم به .. مهما كانت الظروف و مهما كان احتياجك للوظيفة.

احترس من شركات التوظيف للخارج الغير معتمدة من وزراة القوى العاملة .. 

قائمة بأسماء الشركات النصابة

1- شركة اسمها مصر للتوظيف

وعنوانها 32 شارع محمد بخيت متفرع من شارع طومان باي - ميدان ابن الحكم - حلمية الزيتون..

المصريه للتوكيلات والتجاره 

سور القصر الرئاسى الطاهره ورقم تليفونها 01006200165

2- العالميه للتوظيف 

موجوده فى شارع العشرين فيصل 

الشركه دى نصابه بتطلب فلوس 30 ابليكيشن تعارف و 100 جنيه عشان تسليم االوظيفه

3- وفى شركة فى الجيزة اسمها اوديل 

ميدان الجيزة بجوار محكمة الجيزة برج الجيزة الاداري مدخل 38 الدور الثالث للخدمات الفندقية والمالية

بتنزل اعلانات بردو وتاخد فلوس ابلكيشن 10 و250 علشان يبعتلوك الجواب

4- شيبسى فوكس تطلب شباب جميع المؤهلات 

وجميع المحافظات بدون خبرة لتعين الفورى بمرتب 1675 جنيه + بدون خبرة + وجبه + تامين اجتماعى + تامين طبى + وسكن للمغتربين العمل فورأ بالبطاقه والمؤهل والتجنيد والعمل فى نفس اليوم , عمال ع خط الانتاج والعنوان

252 فيصل محطة التعاون الدور الاول

01027598074 – 01159106537

5- شركة اسمها الميار

65ا شارع المقريزى مصر الجديدة احمد عز دة اكبر نصاب

الرائد للتوظيف ف فيصل 10 + 200 عموله

شركة اسمها العالميه ١٠ + ٢٠٠ ج فى الجيزة فوق النفق

شركه اسمها التقوي نفس الحوار وعنوانها شارع احمد عصمت بعد معهد مندوبي الشرطه عين شمس بتطلب 25 ابليكيشن و 200 جواب عمل.

6- المصريه للتوكيلات والتجاره

سور القصر الرئاسى الطاهره وكنتو برضو منزلين اعلانات ليها فى الصفحه ورقم تليفونها 01006200165

7- شركة اسمها البدوي للتوظيف

مواقف شخصية للعبرة:

Amr Ahmed

المكتب : التوحيد و النور للنقل الجماعى

العنوان : برج الباشا 3 - شارع العريش - من شارع الهرم - الجيزه

اسم الوظيفة : تسويق

... التفاصيل : المفروض انها شركة لتسويق مهرجان السياحة و التسوق لمده شهرين بمرتب 1500 جنيه مصرى بعمولات فد تصل المرتب الى 2000 او اكثر حسب المجهود

Eman Ismail

ايوه انا اتنصب عليا في شركة انترتاشونال الدولية واشتغلت 4 شهور وماخدتش ولا مليم، هي في روكسي عند الميريلاند

دا موقف حصل لبنت وحبيت تحذر البنات

لقيت رقم مطلوب سكرتيره هنا اتصلت واحد رد عليا وقلي انا عاوز سكرتيره خاصه واتزوجها عرفي تخيلوا

ياريت البنات يكونوا حذرين الرقم 01147172245

- Hady Youns TheViper Rko

الشركه ده تحت السلم ماشي وبعدين هيقلك هندربك بس هتدفع 200 جنيه، عمرك شفت شركه بتدرب حد وبتاخد منه 200 جنيه وكمان في الأخر هتطلع تلي سيلو مش كول سنتر25 وكمان بيغيروا الميل باستمرار

الشركة السعوديه للاصدار والتصدير

تمام عملت ابليكشن وبعد كده الولد قالي عايز 3 جنيه عشان الابلكشن طبعا انا من الجروب استفدت كتيييييييير بجد فقولتله خلاص مش عايزة اشتغل قالي ليه ومش ليه قولتله اول مرة اسمع اني ادفع ومش اتكسفت حقي المهم فقالي طب استني ودخل للمديرة وقالها فقالتله داخلها ودخلت فعلا وقالتلي ع نظام الشغل واني عشان مش واخده كورس تنميه بشريه وخدمه عملا للتسويق فهيدروبني ع كده شهر وعليه راتب وكده وبعد كده هبقي ع حسب التدريب هوصل ليه ودماغي ازاي ياما مدربه ياما مديرة تسويق الموضوع جديد عليا ممكن حد يفيدني ويقولي الشركة دي كويسه ولا لا بليز

تحذيرات هـــــــــــــــــــــــــــــــامة:

- الشركة اللي بتقولك اتصل برقم 1755 او رقم تاني بيبدء ب 09000 دي شركة نصابه وبتعمل كده علشان الدقايق بس بتفضل تطول عليك ومش بتشغل ولا حاجه وكل اسبوع بتنزل اعلانات كتير ف الوسيط والتلفزيون

- فى شركة نصابين بياخدو 400 ج علشان يشغلو الشباب فى فنادق فى شرم و مرسى علم بمرتبات متوسطها 500 و ممكن يقل و قل ما اذا زاد و الشباب يروح هناك يتفشوهم و فى الاخر علشان فلوسهم تروح عليهم الشركه ديه فى حدايق القبه فى شارع من الشوراع المطله على سور القصر الجمهورى اسمها شركة الرواد لادارة و خدمات الفنادق 354 ش طنطا تليفونهم 24518783 و ليهم ضحايا كتير

- مطلوب شباب من الجنسين للتدريب و العمل فى مجال الكول سنتر خبره و بدون بالمؤسسه العربيه للصيانه / مؤهلات عليا بمرتب 950 جنيه + عموله يشترط الجديه و الالتزام لارسال ال c.v على ايميل

misshager_hr@yahoo.com

- شركة جديده بتفتح فرعها ببنها لأي حد بيدور علي شغل جوا بنها

تعلن الشركة العربية العالمية و غرفة تداول العملات الاجنبية تريد فور ايجبت فرع بنها عن حاجتها للأفراد من الجنسيين للعمل بالبورصة(مراقب مؤشرات عملات أجنبية) بخبرة و بدون علي من يرغب الأتصال علي01288962636- 01002487785

- أولا الشركة دى بتعمل اعلانات عشان طبعا الشباب يجرى يقدم على شغل وبعدين بعد ما يروحوا السيمينار اللى بيعملوه بيقعدوا يقولولهم هتاخدوا الكورس الاول بمبلغ معين وبعدها هتشتغلوا طبعا كله نصب واللى خدوا لكورس لا شغلوهم ولا حاجه بيلموا فلوس وخلاص فخالوا بالكم وفى شركه تانى نفس الطريقه بردوا بس مش فاكره اسمها عموما اى اعلان تبع اى شركه تقولك تداول فالبورصة ويطلبوا منك فلوس للكورس عشان يعينوك يبقه نصب.

Trade For Egypt

دي شركة فوركس كانت عاملة اعلان في الوسيط، اتصلت بيهم قالولي ابعت السي في على الميل اللي في الاعلان، بعت، لقيتهم باعتينلي ميل النهاردة اني اتقبلت بشكل مبدئي واني اروح احضر سمينار ليهم يوم الجمعة، والوظيفة هتكون محلل مؤشرات وتريدر، وهاخد كورس قيمته 6 الاف جنيه الشركة هتتحملها وانا هدفع 400 جنيه بس المصاريف الادارية

السؤال بقى ... هل الموضوع نصب وخلاص عشان ياخدو من الناس ال 400 جنيه ولا الموضوع بجد ؟

أسم الوظيفة : Trader كود الوظيفة : #5555

المؤهل : يشترط مؤهل عالى

الراتب : 2000 جنيه مصرى

شروط الألتحاق : يتم الالتحاق بالوظيفة بعد أجتياز الاختبار الفردى او الجماعى التى تعده الشركة حيث يقوم الموظف بأدارة حساب الشركة دون عمولات أو تحمل خسائر وتتحمل الشركة كافة المخاطر .

أسم الوظيفة : Trainer كود

الوظيفة : 5556#

المؤهل : يشترط مؤهل عالى

الراتب : 2000 جنيه مصرى

شروط الالتحاق : يتم ترشيحه من قبل مدربه فى الشركة وبعد الموافقة عليه من قبل مدير شئون العاملين يستلم وظيفته التى من خلالها يقوم بتدريب 10 أفراد شهريا ويكون مسئول عن ألحاقهم واختيارهم وتدريبهم وان يجتاز الاختبار الجماعى بهم .

أسم الوظيفة : مدير محفظة ممولة

كود الوظيفة : 5558#

المؤهل : يشترط مؤهل عالى

الراتب : 2000 جنيه مصرى

شروط الالتحاق : ستقوم الشركة بتمويل المحفظة بقيمة 1000 دولار عن طريق فتح فيزا بأسم المتقدم للوظيفة فى احد البنوك على ان يقوم المتقدم للوظيفة بعمل 40 عقد Standard شهريا والمكاسب التى يحصل عليها الفرد المتقدم للوظيفة نتيجة ادارة المحفظة هى ملك خاص له ولاتأخذ الشركة أى نسبة من الارباح وكذلك لاتتحمل الشركة اى خسائر ناتجة من خسارة المحفظة وكل هذا يتم داخل أطار الشركة حتى يتثنى للمتقدم الاستفادة والتواصل مع باقى موظفين الشركة

أسم الوظيفة : Sales

كود الوظيفة : 5559#

المؤهل : يشترط مؤهل عالى

الراتب : 2000 جنيه مصرى

شروط الالتحاق : أن يقوم المتقدم للوظيفة بجلب عدد من الاشخاص يقوموا بأستثمار أموالهم الخاصة فى البورصة بأنفسهم ويتم دعمهم الفنى والتقنى من خلال الشركة شرط ان يكون عدد العقود التى يفتحها جميع المستثمرون فى الشركة لاتقل عن 40 عقد Standard شهريا .

و في النهاية ننصحكم بشدة قبل التعامل مع اي من شركات التوظيف أو الحاق العماله بالخارج بزيارة هذا الموقع الاكثر من رائع http://www.shrkatnsaba.com/ و متابعة صفحتهم علي الفيس بوك https://www.facebook.com/shrkatnsaba