الأحلام المؤجلة
الأحلام المؤجلة
| صور فيس بوك |
بعد تفكير وتمحيص هنا وهنا في حياتي البالغة ثماني وعشرون سنة
لقيتها مليئة بالكثير والكثير من الأحلام المؤجلة
مثلا القرار اللي بخده حتي لو هشتري أي حاجة خاص بيا
يتنفذ بعد مدة ،أقول رايحة المكان الفلاني بكرة ألقيني راحة بعد شهر !!!!!!!!!!
أقول هأتصل علي واحدة صاحبتي ألقيني متصلتش أساسا !!!!!!!
وهي دي قرارتي المؤسفة في الأمور البسيطة أو الشئون العامة في حياتي
أما القرارات الأساسية بلاش أتكلم عنها لأني كل ما أفتكر يتحرق دمي ويتضح لي
أدي أيه أنا إنسانة سلبية ، معرفش هي ميزة ولا عيب إني بخاد الحياة زي ماهي
من غير أي تغيير لكن ده أدي إلي وإن قراراتي دائما مؤجلة التنفيذ لحين وقتا لاحق !!!
بجد أن نفسي أتغير وبدأت أقلل من كمية الأحلام المؤجلة عندي بالبدء بتنفيذها
ونفسي بجد ودا والله من قلبي مفيش حد يأجل أحلامه وقرارته خصوصا المهمة
لان العمربيجري فجاءة من غير ما الواحد بيحس وعلي رأي اغنية منير إمبارح كان عمري عشرين
وحياتنا مش هنعيشها إلا مرة واحدة ..
وكفاية عليكم فلسفة لغاية كدا ويارب كل واحد يحقق اللي يتمناه
التعليقات على الموضوع